АРНИНА

Да ги соберам

сите арнини на веков,

пак арно не ќе видам.

Чунки, арно со арно оди.

Или не?

Лошо и арно друшки се, велат.

Кај едно оди,

другото по него вјаса.

Па ете, јас и лошото

кафе пиеме,

арнината ја чекаме.

Рече наспијте се

и јас ќе дојдам.

Та мене сон не ме фати.

И ете, година мина

јас, конечно, сон со сон врзав,

и чекам, со првиот зрак,

со првото кафе.

Како што рече.

Дојди арнино, да не би дошла.

Еднаш да те видам

та да заминам

- на работа.